Edisi Dul Kemplu: JANJINE DUL KEMPLU NGGEDABRUS

Edisi Dul Kemplu

Penulis: Suswoyo Haris (Cerpenis) 

JANJINE DUL KEMPLU NGGEDABRUS

Tumben Yem..esuk-esuk wis stil nganggo pakaian training ana keding, Dalban takon karo Turyem, bojone.

Iya Pak, aku arep melu jalan santai, mbokan olih hadiah kanggo Rika, kipas angin mbuh apa endah Rika ora sumuk, jawabe Turyem.

Bener mana aja kesuwen mangkat, tak dongakna endah olih kipas angin. Nang atine Turyem, Rika wis tua tak bodoni gelem. Bonggan nganggur bae, tuku kipas angin bae ora gablek.

Nang POM bensin Dul Kemplu luntap-luntup kaya bulus, sapa sih sing digoleti ?
Eh...nyatane Turyem goroh, alesane arep melu jalan santai nyatane janjian karo Dul Kemplu yah...

Halo Yem.. selamat berjumpa kembali, kowen tambah ayu bae, gawe wong pengin nubruk.

Mas Dul Rika aja dobol ah.. ngomonge, ayu apane raine aku mengkirut ora kuat tuku kosmetik ka.. Yuh cepet aku mbonceng.

Dul Kemplu karo mboncengna Turyem maring pantai Pulo Kodok ngomong, aja kuatir pengine kowen apa tak tokokna. Hmm..rupane Dul Kemplu mentang-mentang tas olih utang pinjol, gagahan.

Sing bener Rika, Mas Dul..ngomonge aja nggedabrus kaya entut birut. Aja kuatir Yem..Mas Dul tak akan pernah ingkar janji. Ndadak krungu janji angin sorgane Dul, Turyem karo semendeh nang gigire Dul nyikep wetenge Dul Kemplu sing gendut wedele bodong. "Aku tambah sayang karo Rika Dul..".

Wong loro sing lagi geblek uteke, nang warunge Danyep ngobrol asyik ora eling waktu.

Yu Danyep sing dodol warung culag. Nang atine "Bangset ka..cuma pesan kopi loro karo mendoan ngayeg ngobrole sampe telung jam.

"Sampean mene mbayar terus merad, warunge aku dagange apes ora payu, gara - gara ana wong tua demenan.

Dul Kemplu langsung mbayar, Karo ngomong, "lagi asyik ka medot nikmat,mudah mudahan dagangane ora payu temenan" .

Mas Dul sing wis kedanan Turyem ora eman-eman nokokna kosmetik endah raine Turyem Glowing. Jejaluke Turyem tuku kipas angin ya dituruti. "Demi yayang uang habis ora apa-apa".

Sampe Turyem teka nang umah.
Pak ...Pak...kiyeh aku menang olih hadiah kipas angin. Dalban senengen, doane aku terkabul Yem ..
"Minggu ngarep kowen melu maning mumpung ana Caleg ngadakna lomba jalan santai hadiahe motor. Pimen carana Kowen kudu menang Yem", jaluke Dalban.

Bengine Turyem ngechat Dul Kemplu. "Yank .. Minggu ngarep aku dikongkon bojone melu lomba jalan santai maning,bojoku ngomong kudu menang hadiah pertama motor. Sampean kudu nokokna motor anyar ya Say.." rengeke Turyem.

Dul Kemplu mbales chat te Turyem, dari pada aku klenger mending aku merad sing kiwen. boro-boro nokokna motor anyar motore aku bae olih lengekan. Apa maning ngesuk ana tagihan pinjol. Maaf Yem aku kabur bae.

Turyem bar maca balesan chat Dul Kemplu ngromed, "Wong Lanang apa, saiki laka jaman gratis nguyuh nang pom bensin bae kudu bayar.
Pas dina Minggu Dalban ngongkon bojone, Yem.. cepetan mangkat jalan santai, aku wis pengin numpak motor anyar koh..

Rika. Mangkat dewek bae pak, bokonge aku lagi lara wudunen.
Motor anyar waduke ????????????????????