Guyon Ngapak Tegal : Murlidod Dadi Pengusaha Wedus

SuaraPantura.com - Sore-sore Murlidod melu kunjungan study banding karo dinas peternakan, sebab saiki Murlidod dadi pengusaha ternak Wedus.

Karena dianggap berprestasi, Murlidod sering diajak acara dinas peternakan kue mau.

Pas kue Murlidod ngajak Sarboah, bojone sing dong paesan mlosdrong-mlosdrong.

Pan anjog kandang pertama, pemandu study banding'e ngomong,

"Kiye arane Bandot Garut, sedina bisa kawing ping lima" jare pemandune.

Sarboah : Kweh Pah (Papah Murlidod), Bisa ping lima. Sampean bisa ora?

Murlidod'e mung meneng bae.

Bar lanjut jalan maning maring kandang nomer loro, pemandune ngomong maning,

" Kiye Arane Bandot Afrika, Sedina bisa kawin ping pitu" jare pemandu.

Sarboah : Kweh Pah, bisa ping pitu, Sampean bisa ora?

Murlidod esih meneng bae ora bisa njawab.

Pas anjog kandang nomer telu, pemandune ngomong maning,

" Kiye arane Bandot Arab, Sedina bisa kawin ping sepuluh" jare pemandu.

Sarboah : Kweh Pah, Bisa ping sepuluh. Sampean bisa ora?

Karna jengkel ditakoni Sarboah bae, akhire Murlidod ngomong maring Pemandune,

Murlidod : Pak Pemandu, Kuwe bandot bisa kawin nganti ping sepuluh karo wedus wadon siji tok?

Pemandu : Ya ora oh Dod, Wedus wadone ya akeh

Murlidod : Kuwe Mah, Rungokna, Kupinge dijembet sing amba!

Sarboah : Huasyuuuuhhhhhhh....
***