Guyon Ngapak: Keren! Murlidod Melu Publik Giring Jebule Public Hearing

SuaraPantura.com - Ora kaya biasane Minggu sore Murlidod katon gagah nemen.

Nganggo kemeja, celana bahan, rambute ya klimis toli nganggo parfum racikane dewek sing mambune gawe wadon kepincut.

Wakmad sing liwat nang ngarep umahe Murlidod kaget weruh Murlidod katon rapi. Gagean Wakmad muter balik li marani Murlidod.

Wakmad: Reimu pan ming ndi nyak, dingaren Minggu sore gagah nemen.

Murlidod: Arep melu publik giring nyet.

Wakmad: dih...acara apa kuwe publik giring, kayong nembe krungu.

Murlidod: Nyong ya ora patia paham acara apa kuwe, nyong diundang ya teka owh.

Wakmad: Sing ngundang sapa? coba ditelpon ndisit aku ya penasaran acara apa kuwe publik giring.

Murlidod: Lah sungkan telpon ana apa, meningan wis sore kiye. Nyong pan mangkat, ngko telat mbokan diganyami.

Wakmad: Aku melu olih ora nyak?

Murlidod: Ya ayuh mangkat bareng. Tapi raimu raup tuli mana ben raine ora nglenga kaya kuwe, ngisin-ngisini.

Wakmad: Okelah kalo begitu, arane melu publik giring kudu gagah ya.

Murlidod: Nah kaya kuwe, gagean.

Akhire Murlidod karo Wakmad tekan nggon acara sing jare Murlidod arane publik giring.

Mbareng tekan panggonane, Wakmad kaget jebule acarane udu publik giring tapi public hearing.

Wakmad: Kiye Public Hearing nyak dudu publik giring.

Murlidod: Pada bae lah nyet, arane nggiring wong pirang-pirang mene ya berarti publik giring.

Wakmad: Iya ya, masuk akal juga. Berarti kiye acara nggo nggiring publik ya....***